Rauði hálfmáninn í Íran hvetur Alþjóðlega sakamáladómstólinn til að rannsaka mannskæða árás Bandaríkjahers á brúðkaupsveislu á þriðjudag. Herinn drap fjóra í árásinni, þar á meðal tvö börn, og særði 67.

Rauði hálfmáninn segir að árásin kalli á óháða og hlutlausa rannsókn í ljósi þess að hún hafi verið gerð á almenna borgara og sendi erindi þess efnis til dómstólsins í gær. Samtökin telja að árásin geti talist stríðsglæpur.

Íranar hafa svarað árásum Bandaríkjanna með árásum á bandarískar herstöðvar í Kúveit í dag. Átök hafa færst í aukana síðustu daga. Bandaríkin hófu árásir á Íran á sunnudag. Enn er pattstaða og samningar milli ríkjanna ekki í sjónmáli. Íran hefur stjórn á umferð um Hormússund og Bandaríkjamenn fylgja hafnbanni sínu enn fast eftir.

Donald Trump Bandaríkjaforseti lýsti því yfir í vikunni að Bandaríkjaher gæti ráðist á Íran hvenær sem er. Íranar hafa síðustu daga gert árásir á herstöðvar Bandaríkjanna í Sameinuðu arabísku furstadæmunum, Kúveit, Barein og Jórdaníu.

03.09.2026 13:53