Fiska er matvöru·verslun í Kópavogi.
Fiska er á Nýbýlavegi.
Búðinni gengur mjög vel.
Þess vegna er oft mikið að gera í búðinni.
Árni Elvar Eyjólfsson er eigandi Fisku.
Árni rekur búðina með pabba sínum.
Búðin er orðin of lítil.
Þess vegna er verið að stækka búðina.
Búðin verður tvöfalt stærri.
Árni segir: Við getum selt miklu fleiri vörur.
Þess vegna stækkum við búðina.
Fiska selur vörur fyrir mikið af peningum
Fiska var opnuð árið 2020.
Síðan þá hefur salan sexfaldast.
Í fyrra seldi Fiska vörur fyrir yfir 1650 milljónir króna.
Fiska græddi 130 milljónir króna.
Árni segir: Í ár selur Fiska fyrir meira en 2 milljarða króna.
Hvernig byrjaði þetta?
Árni byrjaði að selja vörur árið 1994.
Þá var Árni 17 ára.
Hann seldi fisk í Kolaportinu.
Fiskurinn kom frá ömmu hans og afa í Grundarfirði.
Seinna opnaði Árni búð í Grundarfirði.
Svo byrjaði hann að selja matvöru frá Asíu.
Síðan opnaði hann Fisku á Nýbýlavegi.
Fiska selur vörur frá öllum heiminum
Fyrst seldi Fiska aðallega vörur frá Asíu.
Í dag selur Fiska vörur frá mörgum löndum.
Í búðinni er til dæmis hægt að kaupa:
Krydd frá Asíu, Afríku og Suður-Ameríku.Sérstakar fisktegundir eins og ansjósur og sardínur.Ferskt kjöt frá Íslandi og öðrum löndum.
Árni segir: Fiska er ekki bara búð með vörur frá Asíu.
Fiska er alþjóðleg búð.
