Kaup Icelandair á 49% hlut í Fly Play Europe eru fullfrágengin. Fyrirtækið tilkynnti Kauphöllinni í dag að öll skilyrði fyrir kaupunum hefðu verið uppfyllt.

Fly Play Europe var stofnað í tengslum við rekstur flugfélagsins Play og er með flugrekstrarleyfi á Möltu. Forsvarsmenn Icelandair hafa sagt að kaupin á félaginu auki sveigjanleika og samkeppnishæfni þess. Þar með gefist færi á að hagræða í rekstri.

Flugmenn gagnrýndu kaupin og sögðu að með þeim væri grafið undan íslenskum kjarasamningum. Þeir tengdu þetta við áherslu Icelandair á að leigja inn flugvélar með áhöfnum.

Flugvél Icelandair kemur inn til lendingar.EPA / Olivier Matthys

19.10.2026 09:38