Vladímír Pútín forseti Rússlands hefur lagt til að þeir Xi Jinping forseti Kína og Donald Trump forseti Bandaríkjanna hittist í nóvember til að ræða mögulega lausn á stríði Rússlands og Úkraínu.

Samkvæmt heimildum Wall Street Journal viðraði Pútín fyrst hugmyndir sínar um fundinn við Trump í síma 9. október á sama tíma og þeir urðu ásáttir um að Bandaríkin keyptu dísilolíu af Rússlandi.

Talsmaður stjórnvalda í Kreml hefur staðfest við Wall Street Journal að viðræður um fund séu hafnar. Ekki virðist lagt upp með að forseti Úkraínu verði á fundinum.

Blíðkar Pútín en gagnrýnir Zelensky

Trump hefur varið ákvörðun sína um að draga úr viðskiptaþvingunum gegn Rússlandi. Hann segir að til að semja um frið dugi ekki að hrekja Rússa frá samningaborðinu. Þó hefur hann gagnrýnt Volodymyr Zelensky forseta Úkraínu harðlega.

Trump hefur látið í veðri vaka að Zelensky sé sama þótt árásir á olíuhreinsunarstöðvar Rússlands hafi neikvæð áhrif á heimsmarkaðinn. Hins vegar sé Pútín tilbúinn til að senda heiminum milljónir olíutunna á lágu verði.

Ef af fundi forsetanna þriggja verður er líklegt að hann verði haldinn um miðjan nóvember á sama tíma og ráðstefna Efnahagssamstarfs Asíu- og Kyrrahafsríkja (APEC) í Shenzen í Kína. Óvíst er að hvaða marki hann getur borið árangur án aðkomu úkraínskra stjórnvalda.

19.10.2026 06:26