Karen er orðin fullsödd af Tinder og leitar að hinni einu sönnu ást í framhaldsþáttaröðinni Fleiri pabbahelgar sem hefur göngu sína á RÚV á sunnudagskvöld. Þættirnir eru framhald af seríunni Pabbahelgar sem kom út árið 2019.

Karen hefur verið einstæð í fimm ár og er orðin veraldarvön á Tinder. Í seríunni leitar hún sér að hinni einu sönnu klisjukenndu ást, sem reynist flóknara verkefni en á horfist.

Nanna Kristín Magnúsdóttir leikstýrir þáttaröðinni og fer sömuleiðis með aðalhlutverk Karenar. Sveinn Ólafur Gunnarsson fer með hlutverk Matta, barnsföður Karenar.

Serían var frumsýnd í Bíó Paradís á þriðjudaginn.

Í seríunni hefur Karen leitina að sjálfsástinni en klisjan um að setja sjálfa sig í fyrsta sæti reynist flóknari en sýndist í fyrstu. Þáttaröðin er sex þátta sería og verða þættirnir á dagskrá RÚV á sunnudagskvöldum.

Hægt er að nálgast fyrstu seríu Pabbahelga í spilara RÚV.

16.10.2026 09:00