Áfram verður hægagangur í efnahagslífinu næstu misseri, samkvæmt hagspá Landsbankans. Þó eru líkur til að verðbólga fari fljótt að minnka og að stýrivextir verði lækkaðir snemma á næsta ári.

Hagvöxtur verður 1,3 prósent í ár og 1,5 prósent á næsta ári, samkvæmt hagspánni sem var birt í morgun. Það lifnar aðeins yfir efnahagslífinu þegar líður á spátímann. Bankinn spáir 2,0 prósenta hagvexti 2028 og 2,8 prósentum 2029.

Verðbólgan hefur lengi flækst fyrir landsmönnum. Landsbankinn spáir því að hún hafi náð hámarki í 5,9 og verði að meðaltali 5,5 prósent í ár. Hún minnki svo og verði 4,3 prósent að meðaltali á næsta ári. Þó er ekki útlit fyrir að hún fari niður í 2,5 prósenta verðbólgumarkmið bankans á spátímabilinu. Það nær til 2029.

Atvinnuleysi verður um og yfir fjórum prósentum út spátímann.

19.10.2026 09:32