Þórsarar eru komnir upp úr fallsæti fyrir lokaumferð Bestu deildar karla í fótbolta. Þeir fara upp í 10. sæti og erkifjendur þeirra í KA fara niður í fallsæti, það ellefta. Þór er með 27 stig og KA 26 stig.

Þór vann Stjörnuna 3-1 en skömmu áður hafði KA tapað 1-4 gegn Val.

Þór er með -31 í markatölu og KA með -14. KA er því með 17 marka forskot í markatölubaráttunni.

KA mætir ÍBV heima 24. október og Þór sækir FH heim á sama tíma.

Þórsarar eru því með eins stigs forskot fyrir lokadag fallbaráttunnar. Ljóst er að eitt Akureyrarlið mun fylgja ÍBV niður, sem eru nú þegar fallnir.

Gangur leiksins

Örvar Eggertsson kom Stjörnunni yfir snemma leiks en hann skoraði af stuttu færi eftir aðeins þriggja mínútna leik. Ásbjörn Líndal Arnarsson jafnaði metin úr aukaspyrnu á 11. mínútu.

Sverrir Páll Ingason kom Þórsurum yfir með frábæru skoti fyrir utan teig í samskeytin fjær. Þorri Ingólfsson skoraði svo þriðja markið á 58. mínútu er hann kláraði vel í teignum.

17.10.2026 16:08