Víkingur lagði Breiðablik í Bestu deild karla í fótbolta í kvöld. Leikið var á Kópavogsvelli og kom Jónatan Guðni Arnarsson Blikum yfir á 20. mínútu. Mínútu síðar fékk Anton Logi Lúðvíksson rautt spjald í liði Breiðabliks og undir lok hálfleiksins fékk Ólafur Ingi Skúlason, þjálfari liðsins, að fara sömu leið.

Einum fleiri komust Víkingar yfir með mörkum frá Daníel Hafsteinssyni og Sveini Margeiri Haukssyni.

Á lokamínútunni fengu svo Daníel og Ásgeir Helgi Orrason, Bliki, rautt spjald þegar upp úr sauð.

Víkingar eru fyrir löngu búnir að tryggja sér Íslandsmeistaratitilinn en Breiðablik er eftir tap kvöldsins með 36 stig í 4. sæti.

Víkingar nældu í 3 stig í kvöldRÚV / Mummi Lú

16.10.2026 22:41