Yfirvöld í Kanada lýsa alvarlegu atviki sem leiddi til stórbruna í herstöð í Alberta sem stórslysi. Stjórnvöld hafa staðfest að nokkrir séu látnir og særðir en ekki hve margir.

Mark Carney, forsætisráðherra Kanada, segir brunann alvarlegan og stjórnvöld í Alberta segja hann hafa haft áhrif á marga starfsmenn kanadíska hersins.

Slökkvilið náði tökum á útbreiðslu eldsins í morgun, að því er CBC greinir frá.

Kanadískir miðlar greina frá því að margir hafi verið fluttir á sjúkrahús. Læknir sagði CBC að álag á sjúkrahúsinu væri mikið vegna þess hve margir hefðu leitað þangað.

18.10.2026 12:03