Ágúst Ingi og Dagur Kári keppa klukkan 14:00 í undankeppni karla í dag.

,,Tilfinningin var virkilega góð. Þetta er augljóslega búinn að vera góður undirbúningur hjá okkur og við sjáum það í dag. Það er frábært að taka eina svona góða æfingakeyrslu fyrir laugardaginn. Mér líður ótrúlega vel. Markmiðið er að hafa gaman og sjá hvar maður stendur svona á heimsvettvangi," sagði Ágúst Ingi er hann ræddi við fulltrúa Fimleikasambandsins.

,,Að fá að æfa í þessum sal og með nýjum áhöldum. Að prófa sig áfram fyrir mótið. Sjá hvernig manni líður. Það er svona það helsta sem ég myndi taka frá þessu. Mér leið vel. Ég held ég sé tilbúinn. Ég held við séum báðir tilbúnir," bætti Dagur Kári við.

Sýnt verður frá úrslitum á RÚV dagana 20. til 25. október.

17.10.2026 08:00