Kvennalið Íslands varð í 4. sæti á Evrópumótinu í hópfimleikum. Þetta er í fyrsta sinn í 22 ár sem liðið kemst ekki á verðlaunapall. Ísland var minnsta mögulega mun frá verðlaunasæti og kærði niðurstöðuna, en endaði á að fjarlægjast þriðja sætið.
Spennan var afar mikil fyrir lokaæfinguna og þurfti Ísland 18 stig til að ná gulli og 16,9 stig til að ná bronsi. Aðeins 0,5 munaði á lokaæfingu á þriðja sætinu og því fjórða.
Þjálfarateymið kærði dómgæsluna þar sem talið var að dómararnir hefðu misst af einhverju.
Eftir að dómararnir fóru betur yfir æfinguna var erfiðleikastigið lækkað niður úr 7,5 í 7,4.
Svíþjóð varð í fyrsta sæti, Danmörk í öðru og Stóra-Bretland í þriðja sæti.
Stig Íslands
Trampólín - 17,200Gólf - 17,800Dýna - 16,650
Svona enduðu stigin
Svíþjóð - 54,150 stigDanmörk - 53,000 stigStóra-Bretland - 51,900 stigÍsland - 51,650 stigNoregur - 51,650 stigFinnland - 47,550 stig
Kvennaliðið var með næstbestu einkunnina eftir undanúrslit, aðeins 0,300 stigum á eftir Svíþjóð sem var efst. Liðið er yngra en oft áður og því ljóst að mikilvæg reynsla fékkst á mótinu.
Blandaða liðið einnig í 4. sæti
Blandaða lið Íslands varð einnig í 4. sæti með 52,750 stig.
Svíþjóð tók þar einnig gullið, Stóra-Bretland tók silfur og Danmörk brons.
